Upplýsingar

​

Hafa má samband við okkur með því að hringja í síma 571-6110 milli 09.00 og 15.30 þegar ritari er við eða senda tölvupóst á litlakms@litlakms.is.

​

Panta má viðtalstíma eða óska eftir matsviðtali fyrir námskeið með því að fylla út upplýsingarnar hér að ofan og senda beiðnina inn. Í skilaboðadálki býðst þér að gefa stutta lýsingu á vandanum sem þú vilt fá aðstoð með. Sálfræðingar Litlu Kvíðameðferðarstöðvarinnar hafa mismunandi sérhæfingu og getur stutt lýsing á vandanum aukið líkur á að þú fáir sálfræðing sem hentar þér. 

 

Ef þú ert að óska eftir námskeiði er gott að tilgreina hvaða námskeiði þú óskar eftir.

​

Biðtími eftir viðtali er breytilegur eftir eftirspurn. Það er mikil eftirspurn eftir tímum hjá Litlu Kvíðameðferðarstöðinni og því hvetjum við fólk til að nýta tímana vel. Afbóka þarf viðtöl með sólarhrings fyrirvara, að öðrum kosti greiðir fólk fyrir viðtalið.

 

Litla KMS veitir nemum á lokaári í klínískri sálfræði við HÍ og HR starfsþjálfun. Sem hluta af þjálfun þeirra getur Litla KMS boðið upp á viðtalsmeðferð hjá nema. Nemar á Litlu KMS, líkt og allir sálfræðingar Litlu KMS, eru vikulega í einkahandleiðslu hjá reyndum sálfræðingum og sækja einnig hóphandleiðslutíma 1-2 í viku. Einnig býðst þeim að sitja fræðslufundi sem haldnir eru mánaðarlega hjá sálfræðingum Litlu KMS og KMS. Viðtal hjá nema kostar 15.000 kr og biðtími eftir þjónustu nema er yfirleitt styttri.

 

Ef óskað er eftir meðferð hjá nema er best að geta þess í viðtalsbeiðni. Hvert og eitt mál er metið með tilliti til þess hvort ráðlegt sé að nemi vinni málið eða reyndari sálfræðingur.

 

Gert er ráð fyrir að annað eða bæði foreldri mæti með börnum yngri en 16 ára í greiningarviðtal. Ákveðið er í samráði við barnið hvort foreldri kemur með inn í viðtalið eða bíður frammi.

 

Foreldrar meta hvort ástæða er til að mæta sjálfir í fyrsta viðtal án barns sem er oft heppilegra hjá börnum yngri en 8 ára.