​

Þetta námskeið er ætlað unglingum og ungmennum sem finna fyrir 

depurð og ánægjuleysi ásamt öðrum einkennum þunglyndis.

​

Það er eðlilegt að upplifa depurð og ánægjuleysi í lífinu en stundum

kemur það í veg fyrir að hægt sé að sinna daglegum verkefnum og/eða

njóta lífsins á nokkurn hátt.

​

Á námskeiðinu verður meðal annars unnið með eftirfarandi:

​

• Hvað er þunglyndi og hvernig birtist það?

• Hvað viðheldur þunglyndi?

• Lífsgildi og markmið

• Að læra lifa lífi sem er þess virði að lifa því

• Endurmat og árvekni

• Atferlisvirkjun, skráning og skipulagning

• ​

Námskeiðið er samtals 11 skipti, 2 klst í senn á mánudögum frá 15:00-17:00 og fimm opnir stuðningshópar (alls 32 klst). Kennt er vikulega í 10 skipti og svo er lokatími fjórum vikum seinna. Opni stuðningshópurinn er í boði bæði á meðan námskeiði stendur  og svo ókeypis í fimm skipti eftir að námskeiði lýkur.

​

Opnir stuðningshópar: 

 

Við verðum með opna stuðnings- og eftirfylgdarhópa sem haldnir verða á hverjum fimmtudegi í allan vetur, frá 16.30-18:30. 

 

Hópurinn er hugsaður fyrir alla sem eru að sitja námskeið hjá okkur og vilja auka stuðning, misstu úr tíma eða langar að hitta aðra unglinga sem eru að vinna í eigin geðrækt.

​

Engin sérstök skráning er í hópinn, þú mætir bara.

​

Á meðan námskeiði stendur mega skjólstæðingar Litlu KMS sækja opna stuðnings-og eftirfylgdartíma sér að kostnaðarlausu. Í kjölfar námskeiðs er gert ráð fyrir að skjólstæðingar mæti í 5 skipti í opna stuðnings- og eftirfylgdartíma ókeypis.

​

Hámarksfjöldi þátttakenda er 14 manns.​

​

Verð:

​

Frístundastyrkur

​

Litla KMS hefur gert samning við Reykjavíkurborg um frístundastyrk. Einstaklingar 18 ára (á árinu) og yngri geta nýtt frístundastyrk að fullu (allt að 50.000 kr).

​

Ekki er hægt að skrá sig beint á námskeiðið. Panta þarf fyrst greiningarviðtal hjá sálfræðingi til þess að meta hvort að þetta tiltekna úrræði henti vanda viðkomandi best og sé líklegt til árangurs. Greiningarviðtal getur leitt í ljós að önnur úrræði henti betur t.d. einstaklingsviðtöl eða önnur námskeið.

​

Til þess að skrá sig á námskeið hjá Litlu Kvíðameðferðarstöðinni þarf að byrja á að óska eftir greiningarviðtali. Hægt er að panta greiningarviðtal á www.litlukms.is (panta tíma) eða á netfanginu litlakms@litlakms.is.

 

Við mælum með því að þú skrifir í lýsingu eða skilaboð að þú sért að velta fyrir þér þessu námskeiði þar sem námskeið kunna að fyllast.

​

Greiningarviðtal kostar 18.900 kr og er ekki innifalið í námskeiðsverði. Hægt er að óska eftir að nemi taki greiningarviðtal og kostar það þá 9.450. Nemar á Litlu KMS eru á lokaári í klínískri sálfræði við HÍ eða HR og eru fullfærir til þess að taka slíkt viðtal.

​

Greiningarviðal er til þess að fara yfir vanda barns/ungmennis og meta þjónustuþörf og hvort tiltekið námskeið henti best eða hvort önnur úrræði séu vænlegri til árangurs. Í slíkum tilvikum ráðleggjum við ýmist einstaklingsviðtöl, önnur námskeið eða vísum málum áfram á aðra meðferðaraðila eða stofnanir sem við teljum að séu með úrræði sem henti betur.

​

Ef tilvísun berst frá öðrum sálfræðingi, barnalækni/geðlækni eða sambærilegum meðferðaraðila/stofnun kemur til greina að skrá beint á námskeið, þá er best að viðkomandi meðferðaraðili eða stofnun hafi samband á litlakms@litlakms.is eða í síma 571-6110.

​