Opnir tímar fyrir alla sem hafa sótt meðferð eða námskeið

á Litlu KMS

​

Þessir tímar eru opnir og ósérhæfðir stuðnings- og eftirfylgdartímar.

Tímarnir eru í umsjá nema við Litlu KMS og undir ábyrgð handleiðara.

 

Tímarnir geta bæði verið vettvangur til leita ráða við bakslögum, fá

stuðning við áframhaldandi geðrækt eða bara félagsskapur og jafningja-

stuðningur.

​

Þriðjudagar frá 16.00 - 17.30
Með fyrirvara um breytingar

​

Athugið að frídagar, sumarleyfi og fleira getur haft áhrif á dagsetningar tíma.

Þátttakendur fá blað með dagsetningum við lok hópmeðferðar/námskeiða.

​

Hver tími verður sniðinn eftir fjölda, aldri og þörfum þeirra sem mæta. Gert er ráð fyrir að hægt sé að skipta hópnum í eldri og yngri hóp og jafnvel eftir áhugasviði/þörfum.

​

Dæmi um innihald tíma:

​

- Tækifæri til þess að hitta eða kynnast öðrum unglingum / ungmennum

    -t.d. spjalla, spila, fara á kaffihús o.fl. 

- Upprifjun úr efni námskeiða

- Ný innlegg frá sálfræðinemum

- Horft á gagnlegan fyrirlestur eða bent á gagnlegar heimasíður/öpp sem snúa að geðrækt

- Umræða um efni sem valið er af þeim sem mæta hverju sinni

- Hjálp við að komast uppúr bakslagi

- Persónuleg aðstoð við að hanna atferlistilraun eða setja sér markmið

- Stuðningur við að opna Mentor eða svara tölvupósti/FB skilaboðum

- Stuðningur við að byrja á ritgerð eða öðru verkefni sem búið er að fresta ítrekað

- Minni hópar setja sér markmið um að gera eitthvað utan tímans

- Heimsókn frá gestafyrirlestara sem hefur reynslu eða þekkingu á umræðuefninu

- Sjálfsstyrkingarvinna

​

​

Engin krafa er um að tala fyrir framan aðra eða deila reynslu með hópnum nema viðkomandi óski þess.

Velkomið að mæta bara stutt og fá smá pepp eða hlusta á aðra og fara svo.

Tímarnir eru að mestu í umsjá nema á lokaári í klínískri sálfræði við HÍ/HR með handleiðslu og stuðningi sálfræðinga á Litlu KMS.

 

Félagsmiðstöðin er rekin af nemum á lokaári í klínískri sálfræði (undir handleiðslu sálfræðinga eftir þörfum). Hægt er að bjóða upp á þetta úrræði án endurgjalds svo lengi sem við höfum aðgang að nemum. Tímar geta fallið niður ef nemar forfallast og eins gæti þurft að taka vægt gjald fyrir mætingu í félagasmiðstöð séu nemar ekki á staðnum til að sjá um úrræðið.

​

​

​